Гурӯҳҳои корӣ омодагӣ ба зимистонро санҷиданд

Хоруғ, 30 октябр. (АМИТ «Ховар», Л.Додо ). – Тибқи нақшаи мақомоти иҷроияи ҳокимияти давлатии ВМКБ гуруҳҳои корӣ дар ҳайати кормандони масъули дастгоҳи раиси вилоят, мутахассисони бахшҳои гуногун дар шаҳри Хоруғ ҷараёни иҷрои қарорҳои раиси вилоят «Дар бораи сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2012 – 2013», «Барномаи мусоидат ба шуғли аҳолӣ барои солҳои 2011 – 2013» ва Қонуни Ҷумҳурии Тоҷикистон «Дар бораи арзу муроҷиати шаҳрвандон», инчунин вазъи фазои иттилоотӣ дар маҳалҳои дурдаст, таълиму тарбия дар муассисаҳои таълимиро мавриди таҳлилу санҷиш қарор доданд.Гуруҳҳои корӣ ба мақомоти ҳокимияти давлатии шаҳри Хоруғ ва ноҳияҳо, ҷамоатҳои деҳот ҷиҳати беҳтар намудани коргузорӣ бо ҳуҷҷатҳо ва дигар масоили самти корашон кӯмаки амалӣ расониданд.