Ихроҷи шаҳрвандони хориҷӣ аз ҶТ

Душанбе, 19 октябр. (АМИТ «Ховар», Музаффар Рустамов). – Аз ҷониби кормандони Хадамоти муҳоҷират дар вақти гузаронидани марҳилаи дуюми чорабиниҳои фаврию профилактикӣ ва амалиёти махсус оид ба мубориза бар зидди муҳоҷирати ғайриқонунӣ ва фуруши одамон таҳти унвони шартии «Нелегал-2012» як зумра корҳо ба сомон расонида шуданд, аз ҷумла нисбат ба 73 нафар шаҳрванди хориҷӣ ва қабулкунандагони шаҳрвандони хориҷӣ дар Ҷумҳурии Тоҷикистон тибқи талаботи моддаҳои 499,497,510 ва 138-и Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, аз онҳо ба маблағи 29 ҳазору 900 сомонӣ ҷарима ситонида шуд. Аз ҷумла, 59-нафари онҳо барои дағалона вайрон намудани қоидаҳои будубош дар Ҷумҳурии Тоҷикистон тибқи қарори суд аз қаламрави ҷумҳурӣ берун шуданд. Ҳангоми санҷишҳо ба шаҳрвандони хориҷӣ ва қабулкунандагони шаҳрвандони хориҷӣ дар Ҷумҳурии Тоҷикистон корҳои фаҳмондадиҳию иттилоотӣ гузаронида шуд.Дар ин бора ба АМИТ”Ховар” аз шуъбаи робита бо ҷомеаи Хадамоти муҳоҷирати назди Ҳукумати ҶТ Абдуллоҳи Қодирӣ иттилоъ дод.