Маҳфили адабӣ бахшида ба эҷодиёти Мӯъмин Қаноат

Душанбе, 12 октябр. (АМИТ «Ховар», Людмила Дубинина). – Дар Маркази илму фарҳанги Русия воқеъ дар шаҳри Душанбе бахшида ба 80 – солагии устоди барҷастаи каломи бадеъ, яке аз саромадҳои адабиёти шӯравии тоҷик, Шоири халқии Тоҷикистон Мӯъмин Қаноат маҳфили адабӣ баргузор гардид.Дар толор шоирон, нависандагон, ҳунарпешагон, олимон, тарҷумонҳо, мактабиён, зиёиён ва пайвандони соҳибҷашн ҳузур доштанд. Адабиётшинос, доктори илмҳои филолгия Абдураҳмон Абдуманнонов перомуни эҷодиёти шоири номӣ сухан кард. Сипас шоира Гулрухсор, ҳунарпешагон Ортиқи Қодир, Акбар Мирраҷабов, академик Акбар Турсон, шоир — тарҷумони назми классикии тоҷик Михаил Синелников ва бисёр дигарон эҷодиёти шоири барҷастаи тоҷикро васф карда, порчаҳоро аз ашъори ӯ қироат намуданд.Хотирнишон месозем, ки 28 июни соли ҷорӣ дар Хонаи миллатҳои шаҳри Маскав бахшида ба зодрӯзи Мӯъмин Қаноат маҳфили адабӣ баргузор шуда буд. 20 май зодрӯзи шоири маҳбуб буда, 80 — солагии ӯ на фақат дар Тоҷикистон, балки дар хориҷи кишвар ҳам таҷлил гардид.