Мусобиқаи тенниси мардона

Душанбе, 19 октябр. (АМИТ «Ховар», Фирӯза Давлатова). — Имрӯз дар толори варзишии Вазорати корҳои дохилии Тоҷикистон мусобиқаи тенниси рӯи миз бо иштироки дастаҳои мардона аз Тоҷикистон (се даста), Қазоқистон, Қирғизистон ва Тотористони Федератсияи Русия баргузор мегардад.Тавре ки аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд, сабқати мазкур тӯли чор рӯз идома хоҳад кард. Мусобиқа бо мақсади тарғибу ташвиқ ва рушди минбаъдаи ин намуди олимпӣ дар ҷумҳурии Тоҷикистон баргузор мешавад. Мусобиқа бо ташаббуси Кумитаи ҷавонон, варзиш ва сайёҳии назди Ҳукумати ҷумҳурӣ ва Федератсияи тенниси рӯи мизи кишвар доир мегардад.