Туҳфаи идона

Душанбе, 25 октябр. (АМИТ «Ховар», Зебо Давлатова). – Тавре ки сармутахассиси раёсати кишоварзии ноҳияи Файзобод Ғуломалӣ Охунов ба хабарнигори АМИТ «Ховар» иттилоъ дод, бахшида ба иди Қурбон ба кормандони НБО «Роғун» ба миқдори 2 тонна помидор 500 кг пиёз, 300 кг нок, 1000 дона тухм ва як тонна гӯшт туҳфа намуданд. Инчунин дар маркази ноҳия ба муносибати ид аз ҷониби кишоварзон ярмаркаи калон баргузор гардид, ки дар он маҳсулоти кишоварзӣ бо нархи нисбатан арзон ба аҳолӣ пешкаш шуд.