Ван Левен Ретер дубора дар вазифаи сафирӣ
Душанбе, 20 октябр. (АМИТ «Ховар», Афшини Муқим)- Президенти Ҷумҳурии Тоҷикистон Эмомалӣ Раҳмон аз Сафири навтаъйини фавқулодда ва мухтори Нидерландия Ван Левен Ретер эътимоднома қабул намуда, бо сафири тозаинтихоб масоили ҳамкориҳои кунунии Тоҷикистону Нидерландия ва дурнамои рушди онро мавриди баррасӣ қарор дод. Зикр шуд, ки муносибатҳои Тоҷикистон ва Нидерландия бештар ҷанбаи иқтисодӣ дошта, ҷиҳати рушду тақвияти он кор бурда мешавад. Ван Левен Ретер зикр намуд, ки чун Нидерландия дар ҷаҳон аз лиҳози содироти маҳсулоти кишоварзӣ пешсаф аст, аз ин рӯ бо дарназардошти табодули таҷрибаи мутахассисони ду кишвар ва бо истифода аз ин имконоти мавҷудаи соҳа ҳамкориҳои худро бо Тоҷикистон дар бахши кишоварзӣ низ густариш хоҳад дод. Ба қавли Ван Левен Ретер Нидерландия ҳамчун кишвари фаъоли узви Иттиҳоди Аврупо ҷиҳати рушди мунтазами Тоҷикистон манфиатдор аст ва мавқеи Тоҷикистонро дар арсаи байналмилалӣ дастгирӣ мекунад. Маврид ба зикр аст, ки Ван Левен Ретер бори дуюм аст, ки ҳамчун Сафири фавқулодда ва мухтори Нидерландия дар Тоҷикистон таъйин мешавад. Ӯ то соли 2006 низ дар ин вазифа ифои хидмат намуда буд.
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
