Қарзи бебозгашти Бонки ҷаҳонӣ
Душанбе, 30 ноябр. (АМИТ «Ховар», Покиза Маҳмадбекова). – Шӯрои директорони Бонки ҷаҳонӣ қарзи бебозгаштро ба маблағи 45 миллиону 900 ҳазор доллар барои татбиқи лоиҳаи дуюми таъмини шуғли аҳли ҷамъият ба манзури рушди устувори кишоварзӣ ва истифодаи захираҳои оби Тоҷикистон тасдиқ намуд.Назар ба хабари расмии Бонки ҷаҳонӣ, беш аз 770 ҳазор нафар сокинони 12 ноҳияи вилояти Хатлони Тоҷикистон аз афзалиятҳои истифодаи муваққатии ҷойҳои корӣ ва таҷдиди инфрасохтори обёрию заҳбурсозӣ бархӯрдоранд. Лоиҳаи нав аз ҳисоби қарзҳои бебозгашти Иттиҳодияи байналмилалии рушд ба маблағи 18 миллион доллари ИМА ва қарзи бебозгашти барномаи ҷаҳонии кишоварзӣ ва амнияти озуқаворӣ ба маблағи 27 миллиону 900 ҳазор сомонӣ таъмин мегардад. Мақсад аз лоиҳаи мазкур расонидани кӯмаки мустақим ба 22 ҳазор нафар сокинон бо усули ташкили ҷойҳои муваққатии кор мебошад. Барқарор намудани инфрасохтори обёрӣ имкон медиҳад, ки обёрии 190 ҳазор гектар замин беҳтар гардонида шавад. Ин тадбир ба рӯзгори 750 ҳазор нафар сокинони деҳот таъсири мусбат мерасонад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
