Арҷгузории Рӯзи парчами миллӣ

Душанбе, 23 ноябр. (АМИТ «Ховар», Фарзона Достонзода ). – 22 ноябр дар Академияи илмҳои ҷумҳурӣ ба ифтихори Рӯзи парчами миллии кишвар маҷлиси ботантана баргузор гардид, ки дар он ноиби президент, раиси шӯъбаи илмҳои ҷамъиятшиносӣ, узви вобастаи Академияи илмҳои ҶТ К.Олимов, номзади илми таърих М.Холов, номзади илми ҳуқуқшиносӣ А.Неъматов ширкат доштанд. Дар маҷлис ду маърӯза дар мавзӯъҳои «Аз таърихи парчами Тоҷикистон» ва «Парчам – рамзи ҳастии миллат» ироа шуд.Парчами нави давлатии Тоҷикистони мустақил 24 ноябри соли 1992 дар Иҷлосияи Шӯрои Олӣ тасдиқ гардида буд.Қобили зикр аст, ки Тоҷикистон ба туфайли парчам бори нахуст дар Китоби рекордҳои Гиннес сабт гардид. 9 сентябри соли 2011 дар маросими ботантана бахшида ба 20 – солагии истиқлолияти Тоҷикистон парчами давлатии кишвар ба пояи 165 — метра афрохта шуд, ки дар ҷаҳон балантарин аст.