Рушди ҳамкории Тоҷикистону Туркия

Душанбе, 21 ноябр. (АМИТ «Ховар», Фарзона Достонзода ). – 19 ноябр дар шаҳри Истамбул мулоқоти раиси Палатаи савдо ва саноати Тоҷикистон, ҳамраиси шӯрои тоҷирони Тоҷикистону Туркия Шариф Саид бо раиси раёсати шӯроҳои тоҷирони АвруОсиё, ҳамраиси шӯрои тоҷирони Туркия ва Тоҷикистон Маҳмуд Эр баргузор гардид.Тавре аз ПСС ҶТ ба АМИТ «Ховар» хабар доданд, ҷонибҳо вазъи муносибатҳои тиҷоратию иқтисодии Тоҷикистону Туркияро мавриди муҳокима қарор доданд. Дар робита бо ин, ПСС Тоҷикистон пешниҳод намуд, ки соли 2013 дар Тоҷикистон намоишгоҳи амволи Туркия доир карда шавад. Дар ҷараёни мулоқот зикр шуд, ки сарфи назар аз таваҷҷӯҳи доимии ҳукуматҳои ҳар ду кишвар ба ҳамкории тиҷоратию иқтисодӣ, муносибатҳои мавҷудаи байни намояндагони аҳли тиҷорати ҳар ду кишвар бояд бештар такмил дода шаванд. То имрӯз қариб 46 корхонаю ширкати муштарак бо иштироки сармоягузорони Туркия ба қайд гирифта шудааст, ки асосан ба сохтмону тиҷорат машғуланд