Семинари «Ташаббуси шаффофияти соҳаҳои истихроҷкунанда»

Душанбе, 9 ноябр (АМИТ «Ховар», Музаффари Рустам) — 13 ноябри соли 2012 шуъбаи Ташкилоти байналмилалии Институти «Ҷамъияти Кушода» — Бунёди Мадад дар Тоҷикистон бо ҳамшарикии гуруҳи Бонки ҷаҳонӣ, Ҷамъияти олмонии ҳамкории байналмилалӣ (GIZ) ва Вазорати молияи ҶТ барои намояндаҳои сохторҳои давлатӣ, ширкатҳои соҳаи истихроҷкунанда ва созмонҳои ҷомеаи шаҳрвандӣ оид ба «Ташаббуси шаффофияти соҳаҳои истихроҷкунанда» (ТШСИ) семинар баргузор мекунад. Ҳадафи семинар дурнамои татбиқи ТШСИ дар Тоҷикистон ва баррасии таҷрибаи Озарбойҷон, Қазоқистон, Қирғизистон ва Муғулистон дар пешбурди Ташаббуси шаффофияти соҳаҳои истихроҷкунанда мебошад. Ташаббуси шаффофияти соҳаҳои истихроҷкунанда (ТШСИ) меъёри қабулшудаи байналмилалӣ буда, ба шаффофияти даромадҳо аз соҳаҳои саноати истихроҷкунанда мусоидат мекунад. Ташаббуси мазкур се аҳамият дорад: ба гирифтани манфиат ба ҳамаи истихроҷкунандагони канданиҳои фоиданок, иттиҳоди хукумату ширкатҳо ва созмонҳои ҷамъиятӣ, меъёри ягонаи маълумот оид ба пардохтҳои онҳо ва ифшои омор аз ҷониби ҳукумат аз истихроҷи нафту газ ва дигар канданиҳои фоиданок мусоидат менамояд. Ҳамин тавр, ТШСИ такмили идораро дар кишварҳое, ки аз канданиҳои фоиданок бойанд, дастгирӣ менамояд.