Созмони наҷоти кӯдакон дар Тоҷикистон

Душанбе, 22 ноябр. (АМИТ «Ховар», Фирӯза Давлатова). – 20-уми ноябри соли ҷорӣ сафорати Бритониё ва Созмони наҷоти кӯдакон дар Тоҷикистон бахшида ба Рӯзи ҷаҳонии кӯдакон баёнияи муштарак интишор доданд.Дар баёния омадааст, ки ба миллионҳо кӯдак дар ҷаҳон, инчунин дар Тоҷикистон ва Бритониё хатари озор, бетаваҷҷуҳӣ, сӯйистифодаи нерӯи онҳо ва хушунат таҳдид мекунад. “Кӯдакон бештар дар ҷараёни нооромиҳои сиёсӣ ва ҳаводиси табиӣ осебпазир ҳастанд”,- қайд намуд вазири хориҷаи Бритониё дар иртибот ба Рӯзи ҷаҳонии кӯдак.Ин ҷашн аз соли 1954 бо ташаббуси СММ ва як қатор кишварҳои ҷаҳон қабул гардидааст. Ҳадаф аз қабули ин санад ҷалби таваҷҷуҳи бештар ба масоили кӯдакон мебошад.