Таъсиси Коалитсияи ҷамъиятӣ оид ба мубориза бар зидди нашъамандӣ
Душанбе, 16 ноябр. (АМИТ «Ховар», Ибодат Давлатова).-Семинари «Таъсиси Коалитсияи ҷамъиятӣ оид ба мубориза бар зидди нашъамандӣ», ки дар маҷлисгоҳи Кумитаи миллии олимпии Тоҷикистон ду рӯз идома дошт, ба кори худ поён дод. Тавре ки ба мухбири АМИТ «Ховар» аз Агентии назорати маводи нашъаовари назди Президенти Ҷумҳурии Тоҷикистон иттилоъ доданд, ҳадафи семинар ҷустуҷӯи роҳҳои самараноки таъсир дар раванди пешгирӣ аз нашъамандӣ, пешниҳоди маълумот, машваратҳои таълимӣ барои такмили ихтисоси кормандоне, ки дар ин самтҳо кор мебаранд ва дастрасии васеъ ба иттилоот буд. Тӯли ду рӯз 30 нафар аз созмону ташкилотҳои давлативу ғайридавлатӣ дарсҳои назариявӣ омӯхтанд ва ҳамзамон он донишҳоро амалан татбиқ намуданд. Наргис Алиёрова, нозири Агентии назорати маводи нашъаовари назди Президенти Ҷумҳурии Тоҷикистон мегӯяд: «Омезиши назария бо амалия аз махсусияти семинари мазкур буд. Донишҳои зиддинашъамандӣ ҳам бояд ҳар рӯз такмил ёбанд ва ҳар қадар ин гуна семинарҳо зиёд бошанд, ба ҳамон андоза теъдоди касоне, ки дар самти пешгирӣ аз нашъамандӣ кор мебаранд, меафзояд».
Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
