Муҳокимаи сафари ноболиғон ба хориҷи кишвар

Душанбе, 13 декабр. (АМИТ «Ховар», Ибодат Давлатова).-Дирӯз бо мақсади бурдани корҳои фаҳмондадиҳию иттилоотӣ бо раисони ҷамоат, директорони мактабҳо, ташкилотҳои ҷамъиятӣ, инчунин бо фаъолон ва шахсони масъули ноҳияи Турсунзода вохӯрии гуруҳи кории кормандони Хадамоти муҳоҷирати назди Ҳукумати Ҷумҳурии Тоҷикистон баргузор гардид.Тавре ки ба мухбири АМИТ «Ховар» аз Хадамоти муҳоҷират хабар доданд, дар мулоқот масъалаҳои шиносоӣ бо вазъи муҳоҷирони меҳнатии ҶТ дар хориҷи кишвар, ҳамкорӣ бо ҷамъиятҳо (диаспораҳо) ва саҳми онҳо дар рушди ноҳияҳо, ихроҷи муҳоҷирон, миёнаравони қаллобӣ дар бозори меҳнати ФР, дараҷаи забондонии муҳоҷирони меҳнатиро муҳокима карданд. Инчунин оид ба касбомӯзӣ, одобу русум, таърих ва фарҳанги кишварҳои қабулкунанда, омӯзиши забонҳои хориҷӣ, тарзи гирифтани патент, сафари ноболиғон ба хориҷи кишвар, кӯмак ва мусоидат ба шаҳрвандони Тоҷикистон ҳангоми убуру мурури сарҳадоти кишварҳои ИДМ бо қатораҳо, ташхиси тиббии муҳоҷирон пеш аз сафар ва баъд аз он ва дигар масъалаҳое, ки ба мавзӯи муҳоҷирати меҳнатӣ иртибот доранд, сухан рафт.Бояд зикр намуд, ки мақсад аз мулоқоти кормандони Хадамоти муҳоҷират бо бошандагони ин ноҳия-танзими раванди муҳоҷирати меҳнатӣ, назорати будубоши шаҳрвандони хориҷӣ ва бурдани корҳои фаҳмондадиҳӣ ва иттилоотӣ байни аҳолӣ ва муҳоҷирони меҳнатӣ мебошад.