Мусобиқоти варзишии маъюбон

Душанбе, 3 декабр. (АМИТ «Ховар», Марҳабо Зунунова ). – Имрӯз, 3 декабр, дар мактаби миёнаи №3 – и шаҳри Душанбе ба ифтихори Рӯзи байналмилалии маъюбон мусобиқоти варзишӣ аз рӯи баскетбол ва тенниси рӯимизӣ баргузор мешавад. Дар ин бора корманди лоиҳаи омодагӣ ба Рӯзи байналмилалии маъюбон дар Тоҷикистон Наргис Ҷамолиддинова ба АМИТ «Ховар» хабар дод.Мувофиқи суханони манбаъ, ин чорабиниро Созмони ҷамъиятии «Спетсиал Олимпик» роҳандозӣ мекунад.«Мо мансабдорони сохторҳои давлатӣ ва ҷомеаи шаҳрвандиро даъват менамоем, ки ба зисту зиндагӣ ва масоили маъюбон бештар диққат дода, барои таҳсилу меҳнат ва ҳаёти хушу хуррами онҳо шароити мусоид фароҳам оранд», — гуфт Наргис Ҷамолиддинова