Техникаи нави коммуналӣ барои аҳолии Суғд

Душанбе, 3 декабр. (АМИТ «Ховар»). – Директори Агентии ИМА оид ба рушди байналмилалӣ (USAID) Дар Тоҷикистон Кэтлин Макдоналд дар маросими супурдани се мошини махсуси ахлотғундорӣ ба ҷамоатҳои ноҳияи Бобоҷон Ғафуров иштирок намуд. Мақомоти маҳаллии ҳокимият ҳангоми таҳияи нақшаҳои безарар гардонидани ахлотҳо ва ташкили сохторҳои хоҷагиҳои коммуналии деҳот ин ибтикори агентии зикршударо дастгирӣ менамоянд. Хоҷагиҳои коммуналӣ ду сол боз ба аҳолӣ, макотиби таҳсилоти умумӣ, беморхонаҳо ва корхонаҳои шахсӣ мунтазам хидмат мерасонанд.Лоиҳаи Агентии USAID барои ҷамъ овардан, интиқол додан ва безарар гардонидани ахлот боз ба панҷ ноҳияи Тоҷикистон хидмат расонид. Ҳоло дар асоси лоиҳаи мазкур 8 ноҳияи вилояти Суғд мошинҳои нави ахлотғундорӣ ба даст овардаанд.Дар ин бора аз Сафорати ИМА дар Тоҷикистон ба АМИТ «Ховар» хабар доданд.