Боздошти ронандагони беҳуҷҷат

Кӯлоб, 23 январ. (АМИТ «Ховар», С.Холов). – Кормандони Бозрасии давлатии автомобилии шаҳри Кӯлоб баҳри танзими ҳаракати воситаҳои нақлиёт дар ҳудуди шаҳри Кӯлоб санҷишҳои муштарак мегузаронанд, ки он натиҷаҳои хуб медиҳад. Зимни гузаронидани чунин як санҷиш як гуруҳ ронандагони воситаҳои нақлиёт барои дар ҳолати сархушӣ идора намудани мошин ва надоштани ҳуҷҷати ронандагӣ боздошт гардиданд. Бино ба омори шуъбаи БДА соли гузашта 33 садамаи нақлиётӣ рух дода, дар натиҷаи он 5 нафар ба ҳалокат расида, 46 каси дигар захмӣ шудаанд.