Истифодаи рисолаҳои олимони ДМТ дар рушди иқтисоди миллӣ

Душанбе, 8 январ. (АМИТ «Ховар», С. Солеҳ).– Муҳаммадюсуф Имомов, ректори Донишгоҳи миллии Тоҷикистон гуфт, минбаъд раёсати донишгоҳ мекӯшад, то ки рисолаҳои илмии олимони донишгоҳро дар рушди иқтисоди миллӣ истифода намояд.  Масъулини донишгоҳ мегӯянд, дастур низ шудааст, ки бояд олимон дар робита ба мушкилоти ҷомеаи Тоҷикистон корҳои илмӣ нависанд. Ин ҳам дар дар ҳолест, ки Маҳмадқул Каримов, ноиби ректор оид ба илми ДМТ дар нишасти хабарии ин донишгоҳ гуфт, баъди пошхӯрии Иттиҳоди Шӯравӣ рисолаҳои илмии онҳо ба кор намерафт, ба ин хотир онҳо қисме аз мавзуъҳоро тағйир додаанд, то барои мушкилоти Тоҷикистон равона шаванд. Ёдрас бояд шуд, ки то ин муддат 180 кори илмии устодони донишгоҳ дар соҳаҳои мухталифи кишвар татбиқ шудааст.