Такони ҷиддӣ баҳри рафъи камбудиҳо

Турсунзода, 9 январ. (АМИТ «Ховар», Ҳотам Рабиев).-Заҳматкашони шаҳри Турсунзода соли сипаригардидаро бо натиҷаҳои назаррас ҷамъбаст намуданд. Дар ин муддат беш аз 40 иншооти нав мавриди истифода қарор гирифт. 17- тои он корхонаи хурди саноатӣ мебошад ва ба ин восита зиёда аз 300 нафар бо ҷои кори доимӣ таъмин гардид,-иброз дошт зимни нишасти матбуотӣ раиси шаҳри Турсунзода Давлатшо Гулмаҳмадов. Раиси шаҳр зимни нишасти матбуотӣ дар бораи бурду бохти соҳаҳои гуногуни шаҳр маълумот дод. Дар соли 2012 ба маблағи 421 миллиону 661 ҳазор сомонӣ маҳсулоти кишоварзӣ истеҳсол шудааст, ки нисбат ба соли 2011 23 миллиону 252 ҳазор сомонӣ зиёд аст.Нақшаи кишти тирамоҳӣ ва шудгори заминҳо сари вақт анҷом ёфтааст. Нишасти матбуотӣ бо саволу посухҳои муносиб, фаъолнокии рўзноманигорон ва кормандони мақомоти иҷроия баҳри рафъи норасоиҳои ҷойдошта мусоидат хоҳад кард.