Талаби масъулияти беш аз кормандони ҳифзи ҳуқуқ

Кӯлоб, 8 январ.(АМИТ «Ховар», С.Холов). – Мақомоти иҷроияи ҳокимияти давлатии ноҳияи Ҳамадонӣ ба кормандони шуъбаи корҳои дохилии ноҳия як адад мошини хизматӣ ҳадя намуд. Раиси ноҳия зимни супоридани мошин гуфт, ки ноҳияи Ҳамадонӣ ноҳияи наздисарҳадӣ буда, аз кормандони шуъбаи корҳои дохилӣ зиракиву ҳушёрӣ ва масъулияти бештари кориро талаб менамояд. Кормандони шуъбаи корҳои дохилӣ барои дастгирӣ ба ҳокимияти маҳаллӣ изҳори миннатдорӣ намуда, таҳкими қонуният ва тинҷиву оромиро дар худуди ноҳия кафолат доданд.