Дарёфти миқдори махсусан калони маводи нашъадор

Душанбе, 26 феврал. (АМИТ «Ховар»).-Аз ҷониби кормандони Вазорати корҳои дохилӣ зимни гузаронидани чорабиниҳои фаврию ҷустуҷӯӣ дар ноҳияи Фирдавсӣ шаҳрванд Одинаев Умед Қурбоналиевич, соли таваллудаш 1981, сокини ноҳияи Ҳамадонӣ, ҳамчун гумонбар дар ғайриқонунӣ нигоҳ доштани маводи нашъадор дастгир шуд, ки ҳангоми кофтукови шахсӣ аз борхалтаи ӯ 10 адад бастаи селофанӣ, ки дар дохилашон 10 килою 120 грамм маводи нашъадори ҳашиш буд, дарёфт ва мусодира шуд.Ҳамчунин аз ҷониби кормандони ШВКД дар ноҳияи Исфара-1 шаҳрванд Сайдуллоев Даврон Абдураҳимович, соли таваллудаш 1964, сокини ноҳияи Б.Ғафуров ҳамчун гумонбар дар муомилоти ғайриқонунии маводи нашъадор дастгир гардид. Зимни кофтукови шахсӣ аз ӯ 28 адад бастаи селофанӣ, ки дар дохилашон 13 килою 108 грамм маводи нашъадори навъи ҳашиш буд, дарёфт ва мусодира шуд.Ҳамзамон аз ҷониби кормандони ШВКД дар ноҳияи Сино-2 дар назди бинои 16, кӯчаи Н.Махсум, шаҳрванд Маҳмадалиев Акимшо Мамадмусоевич соли таваллудаш 1974, сокини шаҳри Хоруғ, пеш бо моддаи 201 қисми 1 КҶ ҶТ суд шудааст, боздошт гардид. Ҳангоми кофтукови шахсӣ аз дохили пакети селофаниаш маводи нашъадори навъи «ҳашиш» ба миқдори 1 килою 22 грамм дарёфт ва мусодира шуд.Ҳамин тариқ, аз ҷониби кормандони ШВКД дар ноҳияи Шӯрообод зимни гузаронидани чораҳои фаврию ҷустуҷӯӣ шаҳрванд Зулфиев Амрохон Нурмадович, соли таваллудаш 1971, сокини деҳаи Себдара, ҷамоати деҳоти Шӯрообод, ҷинояткори махсусан хавфнок, ки пеш бо моддаҳои 234 қисми 2, 240 қисми 2 ва 240 қисми 3 КҶ ҶТ суд шудааст, дастгир шуд, ки аз манзили ба иҷора гирифтаи истиқоматиаш 1 килою 820 грамм маводи нашъадори бангдона дарёфт ва мусодира гардид. Аз рӯи ин ҳодисаҳо парвандаҳои ҷиноӣ оғоз гардида, тафтишот идома дорад. Дар ин бора ба АМИТ «Ховар» аз маркази матбуоти ВКД хабар доданд.