Мусобиқаҳои варзишӣ миёни кормандони вазорат

Душанбе, 18 феврал. (АМИТ «Ховар», Дилшодаи Хайруллоҳ).- Имрӯз бахшида ба муносибати 20-умин солгарди таъсисёбии Қувваҳои Мусаллаҳи Ҷумҳурии Тоҷикистон дар толори варзишии Донишкадаи соҳибкорӣ ва хизмат миёни кормандони Вазорати энергетика ва саноати ҶТ мусобиқаҳои варзишӣ аз рӯи ду намуд — тениси рӯи миз ва бадминтон баргузор гардид.Қобили қайд аст, ки дар арафаи ҷашни 20-умин солгарди таъсисёбии Қувваҳои мусаллаҳи Тоҷикистон баргузор намудани мусобиқаҳои варзишӣ иқдоми саривақтӣ буда, он барои тарғиб ва татбиқи ҳаёти солим, руҳияи ватандустӣ миёни ҷавонону наврасон ва дар маҷмуъ ҷомеа мусоидат хоҳад кард.