Нишасти матбуотӣ дар Хадамоти муҳоҷират

Душанбе, 25 феврал. (АМИТ «Ховар», Музаффар Рустамов).–Хадамоти муҳоҷирати назди Ҳукумати Ҷумҳурии Тоҷикистон ба маълумоти намояндагони тамоми воситаҳои ахбори омма мерасонад, ки ҷиҳати пешгирии ҳолатҳои шикастхурии муҳоҷирон, қонуншикании бархе аз ширкатҳои дохилию хориҷӣ ҳангоми интиқоли қувваи корӣ ба хориҷа, аз сӯи шаҳрвандони хориҷӣ риоя намудани қонуну қоидаҳои будубош дар қаламрави Тоҷикистон, маълумот ва огоҳӣ пайдо намудани шаҳрвандони Ҷумҳурии Тоҷикистон доир ба қонунгузориҳои нави Федератсияи Русия, баланд бардоштани сатҳи маърифати ҳуқуқии муҳоҷирони меҳнатӣ, ба таври қонунӣ фаъолияти меҳнатӣ намудани шаҳрвандони Ҷумҳурии Тоҷикистон дар Федератсияи Русия 27-уми феврали соли 2013 дар Хадамоти муҳоҷират нишасти матбуотӣ баргузор мегардад.Ҷиҳати гирифтани маълумот шумо метавонед бо телефони 225-05-96 ва ё 93-539-71-72 занг занед. Дар ин бора ба АМИТ ”Ховар” сардори шуъбаи робита бо ҷомеаи Хадамоти муҳоҷирати назди Ҳукумати ҶТ Абдуллоҳи Қодирӣ иттилоъ дод.