Имкони таҳсил дар макотиби Лондон

Душанбе,11 апрел. (АМИТ «Ховар», Фарзонаи Давлат)- Рӯзҳои 18-ум 19-уми апрел муаррифӣ ва намоиши коллеҷи соҳибкорӣ ва маблағгузории Лондон (London School of Business & Finance) дар Душанбе баргузор мешавад.Тавре ки дар ин бора аз намояндагии Британияи Кабир дар Душанбе хабар доданд, дар намоиши мазкур донишҷӯён имкони дохил шудан ба мактаби мазкурро доранд.Гуфта мешавад довталабе, ки дар ин намоиш иштирок карда, мехоҳад дар Англия таҳсил кунад, имкони таҳсил аз рӯи барномаҳои магистатура, бакалавр ва МВА дар коллеҷи соҳибкорӣ ва маблағгузории Лондонро дорад.Намоиши аввал рӯзи 18-уми апрел дар Донишкадаи авиатсионии Тоҷикистон ва рӯзи 19-уми апред дар Донишгоҳи миллии Тоҷикистон баргузор мешавад.