Президенти нави Конфедератсияи футболи Осиё

Душанбе, 3 май. (АМИТ «Ховар», Пайрав Назаров). – Президенти Ассосиатсияи футболи Баҳрайн Шайх Салмон бани Иброҳим Ал – Халифа президенти нави Конфедератсияи футболи Осиё интихоб гардид. 2 май дар шаҳри Куала – Лумпур маросими интихоби президенти нави Конфедератсияи футболи Осиё баргузор гардида, дар он Шайх Салмон бани Иброҳим Ал – Халифа пирӯз шуд.Тавре ки сомонаи расмии созмони мазкур хабар медиҳад, роҳбари 43 – солаи Ассотсиатсияи футболи Баҳрайн аз ҷумлаи 46 овоз 33 овозро ба даст овард. Шайх Салмон ҳамчунин ба ҳайси узви Кумитаи иҷроияи Федератсияи умумиҷаҳонии футбол аз Осиё интихоб гардид. Дар ин бора аз Федератсияи футболи Тоҷикистон ба АМИТ «Ховар» хабар доданд.