“Оилаи солим чист?”

Душанбе, 6 июн. (АМИТ «Ховар», Ибодат Давлатова).-Кормандони Агентии назорати маводи нашъаовари назди Президенти Ҷумҳурии Тоҷикистон дар доираи чорабиниҳо бахшида ба Рӯзи байналмилалии мубориза бо маводи нашъадор дар якҷоягӣ бо намояндагони Кумита ва шуъбаҳои кор бо занон ва оилаи назди Ҳукумати шаҳри Душанбе, ноҳияҳои И.Сомонӣ ва Шоҳмансур, инчунин бо иштироки мутасаддиёни Муассисаи давлатии «Маркази худшиносии бонувон дар шаҳри Душанбе дар мавзӯи “Оилаи солим чист?” семинари омӯзишию машваратӣ бо ҷавондухтарони мактаби таҳсилоти умумии № 42 ноҳияи Фирдавсии шаҳри Душанбе баргузор намуданд.Дар семинар масъалаҳои вобаста ба муомилоти ғайриқонунии маводи нашъадор, роҳҳои пешгирӣ ва табобати шахсони мубталои бемории нашъамандӣ муҳокима гардида, ба иштирокчиён оид ба вазъи нашъамандӣ ва ВИЧ/СПИД дар ҶТ, намудҳои маводи нашъадор ва зарари онҳо маълумоти муфассал пешниҳод карда шуд.Дар навбати худ кормандони АНМН фикру ақида ва андешаҳои иштирокчиёни вохӯриро дар бораи таҳсил, пешгирии нашъамандӣ ва тарзи ҳаёти солим шуниданд.Инчунин дар вохурӣ ба иштирокчиён филми ҳуҷҷатии «Маро наҷот деҳ, очаҷон!» намоиш дода шуд, ки аз ҳаёти духтарони ҷавоне, ки дар зиндагӣ роҳи нодурустро интихоб кардаанд ва тақдири минбаъдаи онҳо нақл мекунад.Дар вохӯрӣ кормандони агентӣ ба хонандагон варақаҳои таблиғотӣ, буклет ва дигар маводи иттилоотӣ тақсим карданд.Дар ин бора ба мухбири АМИТ «Ховар» аз Агентии назорати маводи нашъаовари назди Президенти Ҷумҳурии Тоҷикистон иттилоъ доданд.