Ифтитоҳи Маркази фароғатии ҷавонони ноҳияи Тоҷикобод
Душанбе, 26 сентябр (АМИТ «Ховар»).-Бо иштироки Президенти Ҷумҳурии Тоҷикистон Эмомалӣ Раҳмон дар маркази нохияи Тоҷикобод бинои дуошёнаи маркази фароғатии ҷавонони ноҳия мавриди баҳрабардорӣ карор дода шуд.Бинои мазкур бо харҷи 714 ҳазор сомонӣ бунёд гардида, дар он беш аз 10 ҷойи корӣ муҳайё шудааст. Дар ин маҷмаъа, ки аз ду ошёна иборат мебошад, утоқи компютерӣ бо дастрасӣ ба шабакаи байналмилалии интернет, коргоҳи дӯзандагӣ бо 20 мошинаи дарздузӣ, хонаи ақди никоҳ ва дар ошёнаи дуюм бошад, китобхонаи барҳавою замонавӣ ҷойгир аст. Зимни шиносоӣ бо шароити мавҷудаи бинои мазкур Сарвари давлат Эмомалӣ Раҳмон ба масъулин дастур дод, ки коргоҳи дӯзандагӣ ва маркази омӯзиши компютериро боз ҳам васеътар кунанд.Тавре масъулин иброз доштанд, то ин замон дар ҳудуди ноҳия хонаи ақди никоҳ мавҷуд набуд ва шаҳрвандон ин маросимро аслан дар ҷамоатҳо баргузор мекарданд.Дар ин бинои навбунёд маросими ақди никоҳи 5 оилаи ҷавон баргузор гашт. Сарвари давлат ба навхонадорон шаҳодатномаи ақди никоҳ ва туҳфаҳои арзишманд тақдим карда, барояшон бахти сафед таманно намуд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
