Ду системаи обтаъминкунӣ — дар ихтиёри Ҳукумати ноҳияи Рӯдакӣ

Душанбе, 10 октябр. (АМИТ «Ховар»,  Кристина  Эрлих). – Имрӯз,  10  октябр,  маросими  расмии  дар  ихтиёри  Ҳукумати  ноҳияи  Рӯдакӣ  ва  ҷамоати  Султонобод  қарор  додани  ду  системаи  обтаъминкунӣ баргузор  мегардад. 
 
Тавре  ки  масъули  бахши  равобит   бо  аҳли  ҷамъияти  лоиҳаи «Обтаъминкунӣ   ва  санитарияи  Тоҷикистон» Дилафрӯз  Усмонова ба  АМИТ «Ховар»  хабар  дод,  системаҳои нав 1 ҳазору  750  нафар  сокинони   деҳаҳои Балхӣ  ва  Баракати  ҷамоати   Султонободи  ноҳияи  Рӯдакиро  бо  об  таъмин  мекунанд. 
 
Маросими  супурдани  системаи  обтаъминкунӣ  сеюмин  иқдомест, ки  тайи  соли  2013  сурат  гирифтааст.