«Чеҳраи Хатлон» аз чоп баромад

Қӯрғонтеппа, 26 ноябр. (АМИТ«Ховар», Мурод Сотиев). -Дар нашриёти «Шарқи озод» китобе бо номи «Чеҳраи Хатлон» бо теъдоди 1000 нусха дар ҳаҷми 562 саҳифа ба нашр расид. Дар китоб маълумот оид ба таърихи нашрияи вилоятии «Хатлон», фаъолияти корӣ ва зиндагиномаи беш аз 120 нафар кормандони собиқ ва феълии рӯзнома гирд оварда шудааст.Китоб аз таърихи беш аз 80-солаи нахустин рӯзномаи тоҷикӣ дар вилояти Хатлон — «Сохтмони зарбдори Вахш», ки ҳоло нашрияи «Хатлон» меросбари ин рӯзнома мебошад, ҳикоят мекунад.Ҳамчунин дар ин маҷмӯа дар шакли қомус маълумот оид ба кору эҷоди беш аз 120 корманди собиқу имрӯзаи ин нашрия, намунаҳои беҳтарини эҷодиёти онҳо гирд оварда шудааст.Бо таваҷҷуҳ ба ин масъала, ки мутаассифона, то ҳанӯз таърихи пайдоиш ва ҷараёни инкишофи ин рӯзнома, вазифаҳои сиёсӣ, иҷтимоӣ ва фарҳангии он, нақши рӯзнома дар беҳсозии вазъи ҷомеа аз ҷониби олимону муҳаққиқон пажуҳиш ва аз нуқтаи назари илм арзёбӣ нашудааст, тасмими нашри ин маҷмӯа гирифта шудааст.Мураттиб ва муҳаррири маҷмӯаи мазкур журналист Носирҷон Маъмурзода мебошад.