Қадрдонии хизмати кормандони РВКД

Хоруғ, 31 декабр.(АМИТ «Ховар», Файз Мирасан).-Дар толори Раёсати Вазорати корҳои дохилии вилоят ба муносибати Соли нави мелодӣ чорабинии идона баргузор гардид. Дар он ҳайати шахсии Раёсати Вазорати корҳои дохила ва шуъбаи Вазорати корҳои дохилии шаҳру ноҳияи Шуғнон ва собиқадорони соҳаи милитсия ширкат варзиданд. Файзуллоҳ Нозимов- сардори Раёсати мазкур, полковники милитсия кулли иштирокдорони чорабинӣ ва собиқадорони соҳаи милитсияро бо фарорасии Соли нави мелодии 2014-ум табрик намуда, аз онҳо даъват ба амал овард, ки дар таъмини волоияти қонун ва тартиботи ҷамъиятӣ саҳмгузорӣ намоянд. Вай ҳамчунин аз фаъолияти ин ниҳод дар соли сипарӣ ёдовар шуда, афзуд кормандони милитсия ба мушкилоти соҳа нигоҳ накарда, тавонистанд дар таъмини сулҳу субот дар кишвар ва минтақа ҳиссагузори намоянд. Дар радифи баргузории чорабинии идона теъдоде аз ҳайати шахсии Раёсати мазкур ҷиҳати фаъолияти пурсамар дар соҳаи милитсия бо рутбаҳои афсарӣ ва ифтихорномахои ин раёсат қадрдонӣ шуданд.