Гурӯҳҳои ҷинояткор фош гардиданд

 
Душанбе, 28 январ. (АМИТ «Ховар»,  Лутфия  Эшонқулова).- Соли  2013 кормандони  мақомоти  корҳои  дохилӣ  14  гурӯҳи  муташаккили  ҷинояткорро   фош  намуда,  118  нафар  аъзои  ин  гуруҳҳоро  дастгир  карданд.  Дар  ин  бора  муовини  аввали  Вазири  корҳои  дохилии  ҶТ  Абдураҳмон  Бузмаков  зимни  вохӯрӣ бо  журналистон  хабар  дод.
 
Маълум  шуд, ки гурӯҳҳои  ҷинояткор  беш  аз  90 ҷинояти  вазнин  содир  намуда,  аз  ҷумла  дастаҳои  ғайриқонунии  мусаллаҳ  ва  гуруҳу  созмонҳои террористиро  таъсис  додаанд. 
 
Назар ба  хабари  намояндаи  Вазорати  корҳои дохилӣ,  соли  гузашта  дар  ҷараёни  чорабиниҳои  фаврӣ  48  нафар  аъзои  созмонҳои  террористӣ,  аз ҷумла  31  нафар  аъзои   Ҷунбиши  исломии  Ӯзбекистон,  17  нафар  аъзои  созмони  «Ансоруллоҳ»,  6  нафар  аъзои  Абдулло  Раҳимов  дастгир  шуданд.