Шоҳбулутҳои белҷӣ дар боғи Рӯдакӣ

     Душанбе, 18.02.2014. (АМИТ «Ховар», Муқаддас Темурзода).- Бо дастури Президенти Ҷумҳурии Тоҷикистон Эмомалӣ Раҳмон дар қитъаи нишебии хиёбони Исмоили Сомонӣ 232 бех дарахтони санавбар, ки аз ҷониби олимони набототшиноси Академияи илмҳои Ҷумҳурии Тоҷикистон пешниҳод шуда, ба муҳити табиии пойтахт созгоранд, шинонида шуданд. Ҳамчунин бо мақсади таъмини сарсабзии боғҳои фарҳангию фароғатии пойтахт дар боғи Рўдакӣ 1 ҳазору 206 бех дарахти тут ва шоҳбулут, ки аз давлати Шоҳигарии Белгия оварда шудааст,  шинонида шуд. 
     Бино ба маълумоти Саидаҳмади Акрампур, сардори бахши иттилооти Раёсати ҳифзи муҳити зисти шаҳри Душанбе, дар доираи кабудизоркунии мавсими имсола, дар ҳудуди шаҳраку маҳаллаҳои  ноҳияҳои шаҳри Душанбе  шинонидани 38 ҳазору 270 бех ниҳоли ороишӣ, мевадиҳанда ва сояафкан ба нақша гирифта шудааст.
     Корҳои ободонию кабудизоркунӣ дар доираи 90-солагии мақоми пойтахтро доро гардидани шаҳри Душанбе ҳамчун пойтахти Ҷумҳурии Тоҷикистон бо эълон гардидани «30 моҳи ободонӣ» идома меёбанд.