Маводи мухаддир бар ивази шишаи арақ
Хоруғ 10.04.2014. (АМИТ «Ховар», Файз Мирасан).-Зимни амалиёти фаврӣ-ҷустуҷӯӣ кормандони Раёсати Кумитаи давлатии амнияти миллии Ҷумҳурии Тоҷикистон дар ҳамдастӣ бо хизматчиёни ҳарбии Қӯшунҳои сарҳадӣ сокини деҳаи Вамди ноҳияи Рӯшон Фаррух Назаршоевро бо гуноҳи марзшиканӣ ва қочоқи маводи мухаддир боздошт намуданд.
Ҳангоми боздошт Фаррух ба гуноҳаш иқрор шуда гуфт, ки чанд муддат боз бо Гадоалӣ ном шахс, зода ва истиқоматкунандаи деҳаи Ҷовиди вулусволии Рӯшони Вилояти Бадахшони Ҷумҳурии Исломии Афғонистон робита барқарор сохта, ба додугирифти маводи нашъа машғул аст.
Охири моҳи марти соли ҷорӣ Фаррух Назаршоев марзи давлатии байни Ҷумҳурии Тоҷикистон ва Ҷумҳурии Исломии Афғонистонро ғайриқонунӣ тавассути камераи мошин убур намуда, бар ивази 15 шиша машруботи спиртӣ аз Гадоалӣ миқдори муайяни маводи мухаддири навъи героин ва як миқдор маводи мухаддири навъи ҳашишро гирифтааст. Аммо дар бозгашт Фаррух аз ҷониби сарҳадчиён ва кормандони мақомоти амниятӣ дастгир гардид. Дар вақти кофтуков аз ҷайби номбурда маводи ҳашиш дарёфт ва мусодира шуд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
