“Кӯли ҷавонон” дар интизори роҳбари масъулиятшинос

Душанбе, 29.05.2014.(АМИТ “Ховар”, Марзия Саидзода).- Шаҳрдории Душанбе ҷиҳати ишғоли вазифаҳои директорони боғҳои фарҳангу фароғатии «Айнӣ» ва «Кӯли ҷавонон»-и пойтахт  озмун эълон намуд, ки он аз 28  май  то 27  июни  соли 2014  давом мекунад.    Дар асоси шартҳои озмун довталаб бояд маълумоти олии касбии таҳсили рӯзона ва таҷрибаи кории роҳбарикунанда дошта бошад. 
       Озода Саидвалиева -мудири шуъбаи кадрҳои дастгоҳи раиси шаҳри Душанбе дар суҳбат ба хабарнигори АМИТ “Ховар” гуфт, ки ҳарчанд шаҳрдорӣ дар ҷобаҷогузории кадрҳои роҳбарикунанда ба кадрҳои ҷавон афзалият медиҳад, ба довталабони ин озмун дар мавриди синн маҳудудият вуҷуд надорад. Хусусан ба довталабоне афзалият дода мешавад, ки дар соҳаи табиатшиносӣ, кабудизоркунӣ ва гулпарварӣ таҷрибаи корӣ дошта, дастпарварони  бахши агрономия  ва биологияи донишгоҳу донишкадаҳои кишвар бошанд. Довталабон бояд таҷриба калон дар ин соҳа дошта бошанд ва  хусусиятҳои хоси роҳбарикунанда зоҳир намоянд.