Хони тӯёна дар “Шаҳрисабз” ва “Истаравшан”

           Душанбе, 17.06.2014.(АМИТ “Ховар”, Марзия Саидзода).- Роҳбарияти  чор  тарабхонаи пойтахт — “Истаравшан”, “Самандар”, “Шаҳрисабз” ва “Помир” дар рӯзи ҷашни Ваҳдати миллӣ-27 июн аз худ  ташаббуси эҳсонкорӣ нишон дода, барои 90 ҷуфт арӯсу домоде, ки бо иқдоми шаҳрдории Душанбе тӯйи хонадоршавиашон баргузор мегардад, хони тӯёна меороянд.
      90 ҷавоне,  ки дар Рӯзи ваҳдати миллӣ ба ҳаёти мустақилона қадам мениҳанд, аз оилаҳои ниёзманди пойтахт буда, тӯяшон дар маросими ботантана ва дастаҷамъона дар бинои “Душанбе-Плаза”, воқеъ дар хиёбони Рӯдакӣ  барпо мегардад.
       Интизор меравад, ки аз ҷониби шаҳрдории пойтахт ба навхонадорон   ҳадяҳои тӯёна ва  пулӣ  тақдим гарданд. 
     Ҳамзамон дар Рӯзи Ваҳдати миллӣ дар Боғи пойтахт  тӯйи суннатии 360 нафар кӯдак аз оилаҳои камбизоати чор ноҳияи пойтахт  барпо  мешавад.