«Атлас ва адраси Хуҷанд -2014»
Душанбе, 31.07.2014. (АМИТ «Ховар», Мавҷуда Анварӣ). — Бахшида ба 20 — солагии Конститутсияи Ҷумҳурии Тоҷикистон 3 октябри соли 2014 дар қаламрави вилояти Суғд озмун ва чорабиниҳои вилоятии иди «Атлас ва адраси Хуҷанд — 2014» гузаронида мешавад.Иди «Атлас ва адраси Хуҷанд — 2014» бо мақсади эҳёи ҳунарҳои мардумӣ ва меҳнати хонагии занон, тарғиби сару либос аз матои табиӣ бо истифодаи услубҳои миллии дӯзандагӣ, ривоҷу равнақ бахшидани истеҳсоли матои атлас ва адраси дастибоф ва татбиқи сиёсати давлат дар ҷодаи дастгирии занону духтарон гузаронида хоҳад шуд.Дар ин бора ба АМИТ «Ховар» аз Хадамоти матбуоти раиси вилояти Суғд хабар доданд.