Муҳокимаи муҳоҷирони меҳнатӣ — сокинони вилояти Суғд

Душанбе, 22.07.2014.(АМИТ «Ховар», Мавҷуда Анварӣ).- Аз 14- ум то 19 — уми июли соли ҷорӣ раиси чамъияти миллӣ-фарҳангии “Ҳамватан”-и тоҷикони вилояти Иркутски ФР Муриватшо Маликшоев бо роҳбарони мақомоти иҷроияи ҳокимияти маҳаллӣ, ташкилот ва муассисаҳои вилояти Суғд мулоқоту вохӯриҳо доир кард.Зимни баргузории ин мулоқотҳо масъалаҳои муҳоҷирони меҳнатӣ — сокинони вилояти Суғд дар вилояти Иркутски Федератсияи Русия ва будубоши онҳо дар ин минтақа мавриди муҳокима қарор гирифт. Ичунин, дар ҷараёни вохӯрӣ масъалаҳои таҷлили бошукӯҳи 20 — умин солгарди Сарқонуни (Конститутсия)-и кишвар, 23 — солагии Истиқлолияти давлатии ҶТ ва ташкили намоиши сарулибосҳои миллӣ ва ташкили барномаҳои фарҳангию фароғатӣ барои муҳоҷирони меҳнатии тоҷикони ин вилоят баррасӣ гардид.Дар фарҷоми мулоқот қарор шуд, ки ҳайати вилояти Суғд ҷиҳати ташкил ва гузаронидани 20-солагии Сарқонун ва Истиқлолиятии давлатии Ҷумҳурии Тоҷикистон ва ташкили намоишгоҳи сарулибосҳои миллӣ ба вилояти Иркутски ФР сафар намоянд.