Қурби доллар каме баланд шуд
Душанбе, 22.08.2014. (АМИТ «Ховар», Лайло Тоирӣ).- Ҳафтаи равон қурби доллари ИМА дар нуқтаҳои мубодилаи асъори ҷумҳурӣ каме баланд шуда, ба ҳисоби миёна ба 5,1020-5,1250 сомонӣ баробар шуд.
Қурбҳои миёнаи амалиёт бо рубли русӣ ва евро бетағйир боқӣ монда, мувофиқан 0,1405-0,1415 сомонӣ як рубли русӣ ва 6,7650-6,7860 сомонӣ як евроро ташкил намуд.
Бино ба иттилои хадамоти матбуоти Бонки милли Тоҷикистон, 21 август қурби миёнаи доллари ИМА дар нуқтаҳои мубодилаи асъори шаҳрҳои Душанбе ба 5,1000-5,1230 сомонӣ, Хуҷанд ба 5,1200-5,1400 сомонӣ ва Қурғонтеппа ба 5,1100-5,1300 сомонӣ баробар аст.