«Аъзам-Ю»: ҷараёни корҳо тибқи нақша аст
Душанбе, 27.08.2014. (АМИТ «Ховар», Раъно Нусратуллозода).-Раиси шаҳри Хуҷанд Раҷаббой Аҳмадзода аз ҷараёни сохтмони бинои нави Раёсати минтақавии Сарраёсати Қӯшунҳои сарҳадии КДАМ Ҷумҳурии Тоҷикистон дар шаҳри Хуҷанд дидан намуд.
Тибқи иттилои Хадамоти матбуоти раиси вилояти Суғд, роҳбарияти ширкати сохтмонии «Аъзам-Ю» ба раиси шаҳри Хуҷанд дар мавриди сохтмон маълумот дода, изҳор намуданд, ки корҳои сохтмонӣ тибқи нақша ва ҷадвали пешбинишуда ҷараён доранд.
Ҳоло дар корҳои сохтмонӣ наздик ба 50 нафар сохтмончӣ ҷалб гардида, қисмати асосӣ-таҳкурсӣ ва ошёнаи якуми бино қомат афрохтааст.
Лозим ба ёдоварист, ки маблағи умумии корҳои сохтмонӣ 4 миллиону 800 ҳазор сомониро ташкил дода, фармоишгар Идораи сохтмони асосии шаҳри Хуҷанд аст. Маблағи он аз ҳисоби мақомоти иҷроияи ҳокимияти давлатии шаҳри Хуҷанд ва вилояти Суғд буда, то нимаи аввали моҳи ноябри соли ҷорӣ ба истифодадиҳии он ба нақша гирифта шудааст.
Тибқи лоиҳа бинои мазкур аз се ошёна, майдон, ҷойи хоб барои низомиён иборат хоҳад буд. Дар бинои мазкур ошхона, ҳуҷраҳои таълимӣ ва иҷтимоӣ низ бунёд мешаванд.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
