БДА: Роҳ маҳдуд мешавад
Душанбе, 27.08.2014. (АМИТ «Ховар», Мавҷуда Анварӣ).- Раёсати Бозрасии давлатии автомобили ВКД Ҷумҳурии Тоҷикистон ба диққати шаҳрвандон мерасонад, ки баҳри таъмини бехатарии ҳаракат дар роҳ зимни сафари кории Президенти Ҷумҳурии Тоҷикистон ба шаҳри Ваҳдат пагоҳ, яъне 28 августи соли ҷорӣ аз соати 07.30 то 08.30 ва аз соати 15.00 то 16.00 ҳаракати воситаҳои нақлиёт дар хиёбони Рўдакӣ, кӯчаҳои И.Сомонӣ, Айнӣ, А. Дониши пойтахт, роҳи мошингарди Душанбе-Ваҳдат-Кӯлоб то деҳаи Чиртаки ноҳияи Ваҳдат муваққатан маҳдуд мешавад.
Ҳамчунин аз соати 06.30 ҳаракати ҳама гуна воситаҳои нақлиётӣ аз сероҳаи Данғара-Қурғонтеппа ба самти шаҳри Ваҳдат дар ҳолатҳои зарурӣ муваққатан маҳдуд мешавад. Ҳаракати воситаҳои нақлиёт ба самти шаҳри Душанбе тавассути роҳи мошингарди шаҳри Қурғонтеппа ва ноҳияи Ёвон ба роҳ монда мешавад.