Кӯчаҳои Душанбе номи шахсиятҳоро гирифтанд
Душанбе, 04.08.2014.(АМИТ «Ховар», Марзия Саидзода).- Дар Душанбе бо қарорҳои иҷлосияи нуздаҳуми Маҷлиси вакилони халқи шаҳри Душанбе бархе аз кӯчаю муассиссаҳои таҳсилотӣ табдили ном карданд. Аз ҷумла кӯчаи Молодая гвардия ба номи меъмор Рустам Каримов, кӯчаи Крупская ба номи Шоири халқии Тоҷикистон Ашӯр Сафар, муассисаи таҳсилоти миёнаи умумии №35 ба номи Ходими хизматнишондодаи илми РСС Тоҷикистон Рустамбек Юсуфбеков, литсейи №1-и шаҳри Душанбе ба номи Муаллими хизматнишондодаи мактабҳои Тоҷикистон Ниёз Сафар, муассисаи таҳсилоти миёнаи умумии №72 шаҳри Душанбе ба номи Шоири халқии Тоҷикистон Гулчеҳра Сулаймонӣ, муассисаи таҳсилоти миёнаи умумии №87 шаҳри Душанбе ба номи Нависандаи халқии Тоҷикистон Шодӣ Ҳаниф ва муассисаи таҳсилоти миёнаи умумии №97 шаҳри Душанбе ба номи собиқ муовини Раиси шаҳри Душанбе Абдулҳақ Оев номгузорӣ карда шуд. Бояд тазаккур дод, ки ин тадбир аз ҷониби шаҳрдорӣ дар асоси пешниҳоди Комиссияи муваққатии Маҷлиси вакилони халқи шаҳри Душанбе оид ба номгузорӣ ва номивазкунии маҳаллаҳо, кӯчаҳо, майдонҳо, хиёбонҳо, боғҳо, пулҳо ва дигар қисмҳои таркибии маҳалҳои аҳолинишини шаҳри Душанбе андешида шудааст. Ҳадафи он тозаю пок нигоҳ доштани забони тоҷикӣ ва абадӣ гардонидани хотираи шахсиятҳои барҷаста мебошад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
