Мушовири «Poyry Energy Ltd» оид ба ташхиси Роғун сӯҳбат мекунад
Душанбе,07.08.2014.(АМИТ «Ховар», Марзия Саидзода).-Интизор меравад, ки 16 август дар Душанбе вохӯрии мушовири ширкати швейтсарии «Пойри Энерҷӣ»/ «Poyry Energy Ltd»/ бо намояндагони аҳли ҷомеаи пойтахт баргузор гардида, дар он масъалаи марбут ба натиҷаҳои ҳисоботи корҳои тадқиқотии баҳодиҳии таъсири экологӣ ва иҷтимоии лоиҳаи НБО-и Роғун мариди баррасӣ қарор дода мешавад. Ин вохӯрӣ тибқи қарори Маҳмадсаид Убайдуллоев -раиси шаҳри Душанбе дар асоси муроҷиати гурӯҳи татбиқи лоиҳаҳои сохтмони иншооти энергетикии назди Президенти Ҷумҳурии Тоҷикистон гузаронида мешавад. Бояд тазаккур дод, ки коршиносони ширкати «Пойри Энерҷӣ» зери сарпарастии Бонки ҷаҳонӣ ба ташхиси фаннӣ, иҷтимоӣ ва зистмуҳитии Роғун машғул аст. Тибқи қарори М. Убайдуллоев, Ҷамшед Мансуров -муовини раиси шаҳр ва Фирӯз Улмасов -роҳбари дастгоҳи Раиси шаҳр муваззаф гардидаанд, ки дар якҷоягӣ бо роҳбарони сохторҳои марбутаи пойтахт иҷрои саривақтии нақша — чорабиниҳои тасдиқгардидаро таъмин намоянд. Ҳамзамон ба Раёсатҳои Кумитаи давлатии амнияти миллии Ҷумҳурии Тоҷикистон дар шаҳри Душанбе (Нуралиев З.С.) ва Вазорати корҳои дохилии Ҷумҳурии Тоҷикистон дар шаҳри Душанбе (Ҷӯрахонов С. Қ.) дастур дода шудааст, ки амнияти баргузории вохӯриро таъмин созанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
