Омодагӣ ба нахустин Форуми ихтироъкорон
Душанбе, 19.08.2014.(АМИТ «Ховар», Марзия Саидзода).-Дар нимаи аввали моҳи октябр дар Душанбе нахустин Форуми ихтирокорони Ҷумҳурии Тоҷикистон таҳти унвони «Аз ихтироъ то инноватсия» баргузор мегардад.
Ҳадаф аз баргузории ин ҳамоиш тақвияти фаъолияти ихтироъкорон дар ҷумҳурӣ, баррасии ҳалли мушкилоти соҳа, истифодаи самараноки ихтироот дар соҳаҳои саноат, истеҳсолот, баҳогузории фаъолияти ихтироъкорон ва истифодаи ихтироот ва инноватсия дар ҷумҳурӣ мебошад.
Инчунин баргузории нахустин Форуми ихтироъкорон ба тавсеаи ҳамкории байналмилалии ихтирокорон ва бахши хусусӣ мусоидат менамояд.
Назар ба иттилои Лӯъбат Шарифова -сардори Раёсати санҷиши давлатӣ, ихтироот ва намунаҳои саноатии Муассисаи давлатии Маркази миллии патенту иттилооти Вазорати рушди иқтисод ва савдои ҷумҳурӣ- дар ҳамоиш намояндагони вазорату идораҳо, академияҳо, муассисаҳои таҳсилоти олӣ ва бахши хусусӣ иштирок хоҳанд кард.
Ҳамоиши мазкур бо ибтикори Муассисаи давлатии Маркази миллии патенту иттилооти Вазорати рушди иқтисод ва савдои ҷумҳурӣ дар ҳамкорӣ бо бархе аз намояндагиҳои созмонҳои байналмилалӣ гузаронида мешавад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
