Пешгирии бонувон аз шомилшавӣ ба гурӯҳҳо

Душанбе, 21.08.2014. (АМИТ «Ховар», Мавҷуда Анварӣ).-  Ҷаласаи Шӯрои сайёри Кумитаи кор бо занон ва оила бо иштироки намояндагони ташкилоту муассисаҳои вилоятӣ ва шаҳру ноҳияҳо дирӯз дар шаҳри Қӯрғонтеппа доир гардид.
Чунин вохӯрию сӯҳбатҳо дирӯз дар ноҳияи Бохтар ва рӯзҳои 22 — 23-юм дар ноҳияҳои Қумсангир, Қубодиён, Шаҳритӯс ва Носири Хусрав дар мавзӯи  «Пешгирии зуҳуроти номатлуб дар байни занону духтарон» баргузор мегардад.
Мақсад аз баргузории ин ҷаласаҳо оид ба қонунҳои амалкунандаи Ҷумҳурии Тоҷикистон «Дар бораи танзими анъана ва ҷашну маросимҳо», «Дар бораи масъулияти падару модар дар таълиму тарбияи фарзанд», «Дар бораи озодии   виҷдон ва иттиҳодияҳои динӣ», «Дар бораи пешгирии зӯроварӣ дар оила» дастгирии ҷавонони боистеъдод, ҷалби духтарон ба мактаб, баланд бардоштани маърифату ҷаҳонбинӣ, арҷу эҳтиром ба муқаддасот ва арзишҳои волои фарҳанги миллӣ, тарзи ҳаёти солим, пешгирии ҷавонон, занону духтарон, ноболиғон аз шомилшавӣ ба гурӯҳҳо ва даст задан ба амалҳои  номатлуб мебошад.