Ҷамъбасти озмуни вилоятии «Ҳифзи муҳити зист»
Душанбе, 29.09.2014. (АМИТ «Ховар», Зарангези Латиф).- Бахшида ба 20-солагии қабули Конститутсия (Сарқонун)-и Ҷумҳурии Тоҷикистон, тибқи талаботи қонунҳои Ҷумҳурии Тоҷикистон “Дар бораи маърифати экологии аҳолӣ” ва “Дар бораи иттилооти экологӣ”, дар Раёсати ҳифзи муҳити зисти вилояти Суғд ҷамъбасти озмуни вилоятии «Ҳифзи муҳити зист» байни намояндагони воситаҳои ахбори омма баргузор гардид.
Ҳадаф аз баргузории озмун ҳавасманд намудани рўзноманигорон ҷиҳати ташвиқу тарғиби ҳифзи муҳити зист ва мусоидат ба ҳалли мушкилоти экологӣ буд.
Ба иттилои дафтари матбуоти раиси вилояти Суғд, аз вилоят дар озмуни ҷумҳуриявӣ намояндагони воситаҳои ахбори омма фаъолона иштирок намуда, дар номгӯи «Бахши радио» муҳаррири радиои вилоятии “Садои Хуҷанд” Раҳимҷон Аҳмадов сазовори ҷои дуюм, дар номгӯи “Бахши телевизион” рўзноманигори шабакаи телевизион ва радиои “Азия” Мастонаи Мўъминҷон сазовори ҷои сеюм гардид.
Дар сатҳи вилоятӣ дар номгӯи «Бахши телевизион» ба муҳаррири барномаи телевизионии «Муҳит» Фарҳод Қосимов, дар номгӯи «Бахши матбуот» рўзномаҳои “Ҳақиқати Суғд”, “Маърифати ҳуқуқӣ” ва “Тирози ҷаҳон” барои мусоидат дар таблиғи маърифати экологӣ ва ҳамзамон баланд бардоштани сатҳи иттилоотонии аҳолӣ, мунтазам чоп намудани мавод ва гузоришҳои экологӣ сазовори диплом ва мукофотҳо гардиданд.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
