3 миллиону 780 ҳазор сомонӣ кумаки Чин ба АНМН
Душанбе, 10.06.2014. (АМИТ «Ховар», Мавҷуда Анварӣ). — Роҳбари Агентии назорати маводи нашъаовари назди Президенти ҶТ Рустам Назарзода бо гурӯҳи журналистон аз Телевизиони марказии Ҷумҳурии Мардумии Чин вохӯрӣ намуд.
Зимни вохӯрӣ Р. Назарзода ба меҳмонон оид ба таърих, сохтор ва фаъолияти агентӣ, вазъи маводи нашъаовар дар Тоҷикистон ва минтақа маълумот дода гуфт, ки аз тарафи мақомоти ҳифзи ҳуқуқи Тоҷикистон ҳамасола аз 5 то 6 тонна маводи нашъаовар мусодира мегардад. Вазъи вобаста ба маводи нашъаовар дар Тоҷикистон аз вазъият дар Ҷумҳурии Исломии Афғонистон вобастагии калон дорад.
Роҳбари агентӣ доир ба хатсайрҳои интиқоли маводи нашъаовар аз кишвари Афғонистон, дар бораи ба ном “хатсайри шимолии баҳри Сиёҳ” иттилоъ дод, ки дар он танҳо дар 8 моҳи соли ҷорӣ зиёда аз 3 тонна героин мусодира гардид.
Роҳбари мақомоти зиддимухаддиротии Тоҷикистон ба журналистон дар бораи ҳамкории агентӣ бо мақомоти ҳифзи ҳуқуқи Афғонистон иттилоъ дод. Зикр гардид, ки дар Афғонистон афсарони алоқаи агентӣ фаъолият менамоянд. Аз соли 2006 то ин ҷониб аз тарафи агентӣ якҷоя бо кормандони мақомоти ҳифзи ҳуқуқи Афғонистон дар ҳудуди кишвари ҳамсоя 226 амалиёт гузаронида шуд, фаъолияти 46 ташхисгоҳи пинҳонӣ, ки героин истеҳсол менамуд, қатъ шуд, зиёда аз 16 тонна маводи нашъаовар нобуд гардид.
Р. Назарзода зикр намуд, ки агентӣ бо мақомоти салоҳиятдори кишварҳои аъзои СААД, СҲШ, аз ҷумла бо Ҷумҳурии Мардумии Чин хамкории судмандро ба роҳ мондааст. Аз соли 2010 то 2013 Вазорати амнияти чамъиятии Чин ба агентӣ ба маблағи 3 миллиону 780 ҳазор сомонӣ кумак расонид, ки ба он кумаки техникӣ, нақлиёт, техникаи махсус, системаи алоқа, либосу анҷоми махсус дохил мешавад. Ҳамасола 15 нафар корманди агентӣ дар курсҳои Вазорати амнияти чамъиятии Чин омӯзиш мегирад. Чониби Чин барои сохтмони бинои маъмурии шуъбаи агентӣ дар шаҳри Кӯлоб кумаки молиявӣ мерасонад, ки шаҳри Кӯлоб дар шоҳроҳи Кулма — Душанбе дар наздикии сарҳади Тоҷикистону Афғонистон ҷойгир аст.
Дар хотима журналистони чинӣ аз ҳуҷраи нигоҳдории маводи нашъаовар дидан намуданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
