Ҳаҷми истеҳсоли маҳсулот меафзояд

Душанбе, 22.10.2014. (АМИТ «Ховар», Кристина  Эрлих). – Тайи 9  моҳи  соли  ҷорӣ дар  ҷумҳурӣ  ба  маблағи  7 миллиарду 80  миллиону 400 ҳазор  сомонӣ  маҳсулоти  саноатӣ  истеҳсол шуда,  ҳаҷми  тавлиди он  нисбат ба  ҳамин  давраи  соли 2013 – ум 105,6  фоизро ташкил дод. Дар  ин  бора  аз  Агентии  омори  Президенти  ҶТ  ба   АМИТ «Ховар»  хабар  доданд.
Мувофиқи  маълумоти   оморӣ,  дар  давраи  ҳисобот  аз ҷумлаи  1143  корхонаҳои  саноатӣ  184 тоашон  фаъолият  надоштанд, ки  ин  16  фоизи  шумораи   умумии  онҳоро ташкил  медиҳад.
Ҳамзамон  тайи  9  моҳи  соли  ҷорӣ  истихроҷи  ангишт,  маводи  сохтмонӣ, намаки ошӣ, ҳасиб,  маҳсулоти  ширӣ,  макарон ва  маснуоти  қаннодӣ,  пойафзоли  бачагона,  маводи  сухти  дизелӣ,  семент ва  маснуоти  фулузию   пластикӣ  афзуда, ҳамзамон истихроҷи   нафту  газ,  истеҳсоли  консерв,  панир,  меваи  хушк,    нахи  пахта,  оҳак,  тахтаҳои  мармарӣ ва  ғайра  коҳиш  ёфтааст.