Ҳоҷиён ба Ватан бармегарданд
Душанбе, 10.10.2014. (АМИТ “Ховар”, Мавҷуда Анварӣ).- Имрӯзҳо баъди адои маносики ҳаҷ дар Маккаи мукаррама қисмате аз ҳоҷиёни Тоҷикистон ба Мадинаи мунаввара ва қисмати дигар тавассути фурудгоҳи байналмилалии Ҷидда ба Ватан фиристода шуданд.
Тавре ки сардори маркази матбуоти Кумитаи оид ба корҳои дин, танзими анъана ва ҷашну маросимҳои назди Ҳукумати Ҷумҳурии Тоҷикистон Афшини Муқим аз Мадина ба хабарнигори АМИТ «Ховар» иттилоъ дод, зоироне, ки аз самти Душанбе ва Хуҷанд ба Мадинаи мунаввара парвоз анҷом дода буданд, ба Ватан бармегарданд ва ҳоҷиёне, ки аз Душанбе ба Ҷидда сафарбар шуда буданд, чанд рӯзи дигар аз Мадинаи мунаввара боздид намуда, баъдан ба Ватан интиқол дода мешаванд.
А. Муқим илова намуд, ки баъди адои фаризаи ҳаҷ дар назар аст беш аз чор ҳазор зоири Тоҷикистон аз Макка ба Мадина интиқол дода шавад. То ҳол тақрибан ду ҳазор нафари онҳо ба Мадинаи мунаввара сафарбар гардидаанд, ки барои иқомати эшон дар Мадина ҳамаи шароити лозимӣ фароҳам оварда шудааст. Меҳмонхонаҳои ҳоҷиёни Тоҷикистон дар наздикии масҷиди Набавӣ қарор дорад ва ҳоҷиён имкон доранд, то панҷ вақт намози худро дар ин масҷид адо намоянд. Инчунин барои зиёрати ҷойҳои муқаддас автобусҳои махсус ташкил шудааст ва зоирон имкон доранд маконҳои муқаддаси Мадинаро аз наздик бубинанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
