Бунёди боғҳои интенсивӣ вусъат меёбад
Душанбе, 18.10.2014. (АМИТ “Ховар”, Ситораи Боймурод).- Бо истифода аз дастовардҳои илмӣ, иштироки бевосита ва ёрии амалию методии олимони Институти боғпарварию сабзавоткорӣ дар Стансияи таҷрибавии зироатҳои субтропикии ноҳияи Ҷ. Румӣ дар майдони 1 га, хоҷагии таҷрибавии “Сунбула”-и ноҳияи Ҳисор дар майдони 1 га ва дар филиали суғдии институт дар майдони 1га боғи коллексионии навъҳои нодири дарахтони мевадиҳанда ва ток бунёд шуд. Кормандони институт дар қитъаҳои наздиҳавлигии истиқоматкунандагони деҳаи “Қади об”-и шаҳри Роғун дар майдони 2 га ва дар деҳаи “Бӯстон”-и ноҳияи Файзобод дар майдони 2 га аз ҳисоби ниҳолҳое, ки бо ташаббуси Ҳукумати Ҷумҳурии Тоҷикистон аз давлати Сербия ворид гардидаанд, боғи интенсивӣ бунёд намуданд.Инчунин аз ҳисоби ниҳолҳое, ки аз давлати Сербия ворид гардидаанд, дар заминҳои Стансияи таҷрибавии Файзобод дар майдони 5га боғи интенсивии себ ва дар майдони 1,1 га боғи олу бунёд шуд.Дар ноҳияи Б.Ғафуров олимони филиал дар хоҷагиҳои деҳқонии “Фараҳ” 2,5 га, “Нури Хуҷанд” 1 га пиёзи тухмии навъҳои “Сайҳун”, “Хазар” ва “Баракат”-ро кишт намуданд. Дар ин бора аз Академияи илмҳои кишоварзии кишвар хабар доданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
