Имзои шартнома бо донишкадаҳои Ҷопон

Душанбе, 22.10.2014. (АМИТ «Ховар», Анна  Мошенко). — Ректори Донишгоҳи  славянии  Русия  ва  Тоҷикистон  Нуралӣ  Солеҳов  дар  ҳошияи  сафараш  ба  Ҷопон  шартномаи   ҳамкорӣ  бо  донишгоҳи «Сока» — и Ҷопонро  имзо  намуд. 
Нуралӣ  Солеҳов   ҳамчунин  дар  форуми донишҷӯён  иштирок  намуда,  шартномаро  бо   донишгоҳи  «Тсукуба» — и  Ҷопон  ба  имзо  расонид. 
«Донишгоҳи  славянии  Русия  ва  Тоҷикистон бо донишгоҳи  «Сока»   равобити  дерина  дошта,  донишҷӯён  ва хатмкунандагони он дар  ин донишгоҳи  баруманди  Ҷопон  таҳсил  мекунанд  ва таҷриба  пайдо  менамоянд. Дар  шартномаҳо рафтуомади  донишҷӯёну  омӯзгорон ба кишварҳои  якдигар,  ҳамчунин  доир  намудани  конфронсҳо  аз рӯи  масоили  илмӣ  пешбинӣ  шудааст», — қайд  намуданд  дар  маъмурияти Донишгоҳи  славянии Русия  ва  Тоҷикистон.
Донишгоҳи  «Сока»,  ки  соли  1971  дар  Токио кушода шуд, бо  148 донишгоҳи  47  кишвар ва  минтақаҳои  ҷаҳон  равобити  илмию  омӯзгорӣ  дорад.