Мусобиқот барои Ҷоми Тоҷикистон дар вилояти Владимир
Душанбе, 08.10.2014. (АМИТ «Ховар», Лайло Тоирӣ). – Бо ибтикори муҳоҷирони меҳнатии ҳаводори шоҳмоти тоҷик ва дастгирии Созмони ҷамъиятии «Орзу» — и тоҷикистониён дар вилояти Владимир ва Федератсияи шоҳмоти вилояти мазкур ба ифтихори зодрӯзҳои президентҳои Тоҷикистону Русия Эмомалӣ Раҳмон ва Владимир Путин мусобиқаи шоҳмотбозон баргузор гардид.
Назар ба хабари котиби матбуоти намояндагии Хадамоти муҳоҷирати ҶТ дар ФР Иброҳим Аҳмадов, дар мусобиқот беш аз 30 нафар шоҳмотбозони беҳтарини вилояти Владимири Федератсияи Русия, ҳамчунин ҳаводорони шоҳмот аз ҷумлаи муҳоҷирати меҳнатии тоҷик иштирок намуданд. Дар вохӯриҳои охирин сокинони вилояти Владимир ғолиб омаданд. Се ҷойи аввалро Алӣ Шарофиддинов, Антон Максимов ва Михаил Терентев ишғол намуданд.
Намояндаи маъмурияти шаҳри Владимир Виктор Купанов зикр намуд, ки ҷамоаи тоҷикон дар баробари ҷамоаҳои дигари миллӣ дар ҳаёти иҷтимоию фарҳангии вилоят фаъолона ширкат намуда, имрӯз намояндагони Тоҷикистон ҳатто дар мусобиқоти дорои аҳамияти байналмилалӣ ҳам қувваозмоӣ мекунанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
